Trajnimet në shkretëtirë për misionin në Mars, finalja e të jashtëzakonshmit Super Bowl, trazirat në Johanesburg dhe shkatërrimet e ndërtesave në bllok pas tërmetit në Tajvan janë disa nga ngjarjet e mbuluara nga fotoreporterët gjatë javës. Shkrepjet e tyre më të mira, vijnë në një përmbledhje nga “The Guardian”.
Një fëmijë i plagosur pret të mjekohet në një spital fushor në Zamalka, në afërsi të kryeqytetit Damask, Siri, pas sulmeve ajrore.Yambio, Sudani i Jugut, një fëmijë-ushtar i sapo shpëtuar pret në radhë për t’u regjistruar.Në Romë, protestuesit kurdë përleshen me policinë gjatë protestës së tyre kundër vizitës së presidentit turk, Recep Tayyip Erdoğan në Vatikan.Në Pyeongchang, Kore e Jugut, estonezi Martti Nõmme përshkon ajrin gjatë garës së hedhjes me ski në kualifikueset përpara Lojërave Dimërorore 2018.Fishekzjarret në ceremoninë e hapjes së Lojërave Olimpike Dimërore, Pyeongchang 2018.Në Yumbo, Kolumbi, një oficer policie qëndron përballë ndërtesës ku kandidati presidencial i një partie politike revolucionare do të mbante një takim të fushatës. Ai u detyrua të largohet pasi protestuesit nisën të hedhin gurë.Në Londër, Angli, një performues përpiqet të drejtojë trafikun ndërsa merr pjesë në një shërbesë të përvitshme në kujtim të kllounit britanik, Joseph Grimaldi, në kishën e të gjithë Shenjtorëve në Haggerston.Në Florida, Shtetet e Bashkuara, raketa e agjencisë SpaceX “Falcon Heavy” lëshohet nga qendra hapësinore Kenedi. Raketa bëri një ngjitje pa të meta përmes qiellit blu, ndërsa të paktën dy nga tre shtytësit e saj të riciklueshëm u kthyen të sigurtë në tokë.Në Dhofar, Oman, një anëtar i ekipit të misionit AMADEE-18 në Mars qëndron në pragun e derës së një habitati të sajuar.Në Hualien, Tajvan, blloku i apartamenteve në bgreun lindor, qëndron në ballancë në një kënd të rrezikshëm pas tërmetit prej 6.4 ballësh që goditi qytetin. Të paktën katër persona humbën jetën dhe 170 të tjerë rezultuan të humbur.Në Johanesburg, Afrikën e Jugut, anëtarë të Kongresit Kombëtar Afrikan sulmojnë njerëzit në pjesën e pasme të një kamioni të cilët i marrin si pjesë e fushatës “Toka e Zezë, e Para”.Në Athinë, Greqi, mbështetës të partisë ultra-nacionaliste “Agimi i Artë” marrin pjesë në takimin e nacionalistëve grekë në përkujtim të vdekjes së tre oficerëve të ushtrisë në vitin 1996.Në Rio de Zhaneiro, Brazil, një grua mban doreza plastike në këmbë, si pjesë e kostumit të saj për festën-protestë për dhënien fund të ngacmimeve.Në Moskë, Rusi, një person kalon urën ndërsa bie dëborë. Moska përjetoi së fundmi sasi rekord të dëborës.Në Paris, Francë, emigrantët qëndrojnë pranë zjarrit brenda një kampi të vogël fushor të mbuluar në dëborë në kanalin Saint-Martin.Në Yambio, Sudan i Jugut, një ushtar-fëmijë sheh përmes këmbëzës së pushkës gjatë ceremonisë për lirimin e tij. Më shumë se 300 fëmijë-ushtarë, mes të cilëve 87 ishin vajza, u shpëtuan në rajonin e shkatërruar nga lufta të Yambio-s sipas një programi që synon riintegrimin e tyre në shoqëri.Douma, Siri. Banorët kërkojnë për të mbijetuar midis rrënojave që shkaktuan sulmet ajrore në zonën e kontrolluar nga kryengritësit. Sulmet e regjimit në enklavën rrebele afër Damaskut vranë 47 civilë pavarësisht presionit të shtuar të Perëndimit ndaj presidentit sirian, Bashar al-Assad.Tsavo, Kenia. Një rojtar rezervati largon noçkën e elefantit Savannah, gjatë një operacioni për pajisjen e kafshëve me kolana në parkun kombëtar të Tsavo-s.Minneapolis, SHBA. Patrick Robinson i Shqiponjave të Filadelfias festoon fitoren e Super Bowl LII. Klubi i dha fund “thatësirës” 75 vjeçare në këtë kampionat.Në Cornella Llobregat, Spanjë, Lionel Mesi i Barcelonës rrëzohet gjatë ndeshjes së Ligës kundër Espanjol. Përgatiti: Juli Prifti – /tesheshi.com/
