Fotografitë më të mira të javës vijnë në një përmbledhje që ka kapur ngjarjet kryesore nga ndarja e çmimeve muzikore Brit, tek sulmet ajrore në Gutan lindore, demonstratat për reforma të kontrollit të armëve në Shtetet e Bashkuara, evenimentet në Lojërat Olimpike dimërore të Koresë së Jugut dhe mjaft të tjera. Imazhet nga fotoreporterët më të mirë të botës vijnë në këtë përmbledhje të prestigjiozes “The Guardian”.
Gangneung, Koreja e Jugut. Kinezi Ëu Dajing garon për të fituar medaljen e artë.Gangneung, Kore e Jugut. Një grua duket nga pas xhamit tek ndjek ndeshjet e Olimpiadës Dimërore.Londër, Angli. Stormzy performon në ndarjen e çmimeve Brit. Downing Street doli me një deklaratë mbrojtëse ndaj Theresa May, pasi këngëtari sulmoi kryeministren për reagimin e dobët ndaj zjarrit në Grenfell Tower.Uashington, DC. Protestuesit qëndrojnë në tokë gjatë një demonstrate për reforma të kontrollit të armëve në afërsi të Shtëpisë së Bardhë. Presidenti Donald Trump mbajti një seancë dëgjimore me të mbijetuarit e sulmit në një shkollë javën e kaluar, në Florida, dhe të tjerë që janë prekur nga dhuna e armëve. Ai u tha atyre se “mësuesit dhe trajnerët” që ishin të mësuar në përdorimin e armëve të zjarrit, mund të armatosen.Silver Spring, Maryland, SHBA. Nxënësit në Maryland tregojnë mbështetjen e tyre për reforma të kontrollit të armëve pas masakrës në Parkland.Karo, Indonezi. Fëmijë shkolle ecin së bashku në shkollën Sipandak në fshatin Tiga Pancur ndërsa në ajër ngrihet hiri i dendur vullkanik nga mali Sinabung, pas një shpërthimi tjetër.Hamouria, Siri. Një sirian mban një fëmijë të plagosur pas sulmeve ajrore të regjimit në enklavën e kontrolluar nga kryengritësit në Hamuria, Guta Lindore. Banorët e tmerruar në zonën, ku janë bllokuar 40 mijë njerëz, janë strehuar në shpella e bodrume ndërsa shi bombash bie mbi shtëpi, rrugë e spitale.Douma, Siri. Një sirian i plagosur qëndron në një qendër mjekësore në qytetin e rrethuar të Dumas, në Gutan Lindore. Rusia bllokoi një rezolutë të OKB-së që do të kishte vendosur armëpushim 30-ditor dhe ndihma humanitare në zonë, me pretendimin se raportimet për balance të rënda të vrarësh mes civilëve në zonën e rrethuar në periferi të Damaskut, ishin produkt i “psikozës kolektive”.Hebron, Bregu Perëndimor. Ushtarët izraelitë ndalojnë një të ri palestinez gjatë përleshjeve në protestën në Hebron.Cape Town, Afrika e Jugut. Bima rritet midis baltës së ciflosur në një zonë që normalisht duhej të ishte nën ujë në digën Theewaterskloof. Diga që furnizon me ujë të pijshëm pjesën më të madhe të qytetit është në nivele rrezikshmërisht të ulëta ndërsa qyteti përballet me “ditën zero”, pika kur në rubineta nuk do të ketë më ujë në gjithë qytetin.Deti Mesdhe. Refugjatë dhe emigrantë presin të shpëtohen nga punonjësit e ndihmave të një organizate spanjolle, pasi kanë lënë brigjet libiane me një varkë gome të supermbushur.Deti Mesdhe. Emigrantë dhe refugjatë shpëtohen nga punonjësit e organizatës spanjolle.Nikola-Lenivets, Rusi. Spektatorët shikojnë sesi digjet një strukturë e ndërtuar në stilin gotik nga artisti Nikolay Polissky gjatë aktivitetit Shrovetide.Salwah, Siri. Luftëtarët kryengritës sirianë mbështetur nga forcat turke hapin zjarr në rajonin Afrin.Raqqa, Siri. Fëmijët ecin përgjatë një rruge të shkatërruar në Raqqa, ish kryeqyteti de facto i militantëve të ISIS.Doha, Katar. Një grua vështron pemët e mbjella nga komiteti suprem për trashëgiminë në Doha. Qendra e fidanëve po rrit pemë dhe myshk që do të mbillen në zonat rreth stadiumeve për Kupën e Botës 2022.Londër. Mbretëresha vështron pasarelën e dizenjuesit Richard Quinn gjatë javës së Modës në Londër.Milano, Itali. Modelet qëndrojnë pas skene ndërsa nis parade e Moschino-s gjatë javës së modës në Milano.Gangneung, Kore e Jugut. Shitës rruge ofrojnë peshk të tharë ndërsa presin për klientë në një treg lokal.Laszczowka, Poloni. Një shqiponjë bishtëbardhë që është shpëtuar nga rreziku, fluturon pas çlirimit të saj nga aktivistët. Përgatiti: Juli Prifti – /tesheshi.com/
