Në Angli, Australi, Japoni dhe disa vende në Afrikës jugore, veturat drejtohen në krahun e majtë, me timonin e vendosur në të djathtë:duke qenë se bëhet fjalë për një pakicë jo të vogël (rreth 30 përqind e drejtuesve të veturave në botë), ekziston një mendim i përbashkët se këto vende e kanë ndryshuar qëllimisht drejtimin për të dalë nga turma.
Megjithatë në realitet, nuk ishte Anglia ajo qe e ndryshoi anën e shoferit, por 70 përqindëshi tjetër i botës!
Zgjedhja për të drejtuar veturën në të majtë, e gjen origjinën e vet në dy shpjegime, një historik dhe tjetri shkencoro-mekanik: që në Mesjetë, ushtarakët kanë qenë të detyruar të mbanin anën e majtë, në mënyrë që të kishin mundësi të nxirrnin shpatën (e cila mbahet në anën e majtë) me dorën më të fortë, që është e djathta.
Shpjegimi më teknik ka të bëjë me formën e veturave të para: freni i dorës në fillim u vendos në pjesën e jashtme të anës së djathtë, çka bëri të nevojshme pozicionimin e timonit dhe shoferit në të njëjtën anë.
Me përparimin teknologjik, freni i dorës zhvendoset brenda në veturë, në një pozicion qendror: për të inkurajuar përdorimin e dorës më të fortë (të djathtës) vendi i shoferit lëvizi në të majtë./tesheshi.com/
