Presideni Meta e nisi ditën me paralelen që ai ka zgjedhur mes 2 marsit të tij dhe 2 marsit skënderbejan të Besëlidhjes së Lezhës shekuj me parë. Duke zgjedhur ta ilustrojë thirrjen e tij për “Besëlidhje të re” dhe me një foto me motive mesjetare, kreu i shtetit zgjedh ta heroizojë veten në aktualitetin politik, duke u vetëportetizuar si një Skënderbe i kohërave të sotme.
“Heroi ynë kombëtar Gjergj Kastrioti Skënderbeu, siç me të drejtë ka thënë Fan Noli, do të mbetet shqiptari më i gjallë ndër të gjallët, figura më shpëtimtare dhe më frymëzuese për mbijetesë e kombit tonë, që testament na ka lënë domosdoshmërinë e bashkimit në momentet më të rrezikshme të ekzistencës së kombit tonë.
Sot në përkujtim të ngjarjes historike të Besëlidhjes së Lezhës, unifikimit kombëtar përballë rrezikut të asimilimit e shkombëtarizimit, mesazhi që na sjell nga historia, uroj të na ndihmojë ne të gjithëve për reflektuar, për t’u ngritur dhe bashkuar sa nuk është vonë, në një Besëlidhje të re, po aq të fortë e gjithëpërfshirëse, përballë një rreziku të ri pushtimi nga një sekt mafioz, pa fe, pa familje, pa atdhe, që ka marrë peng të ardhmen e çdo shqiptari! Zëri i popullit është zëri i Zotit! Erdhi koha të dëgjohet sa më fort! Mirësevjen Beselidhjen e re me Pranverën Kuqezi“, shkruan Meta. /tesheshi.com/
