Janë bërë 19 vjet kur veprimtari i LDK-së, njëherit kreu i Qendrës Informative të Kosovës, Enver Maloku u vra nga persona të panjohur pak metra prej banesës së tij në përdhesë të një blloku banesash në lagjen “Breg të Diellit”, në sytë e gruas dhe të fëmijëve.
19 vjet pas Doruntina, e bija e Enverit kërkon drejtësi dhe mallkon ata që e vranë babain e saj.
Gjeni pa ndërhyrje reagimin e saj:
A ia vlenë ta përsëris thirrjen për drejtësinë që po mohohet? Në veshin e kujt do të bie zilja e ndërgjegjes? A dëgjon kush? Apo të gjithë janë të shurdhër?!
17 vjet! 6 mijë e 205 ditë! 148 mijë e 920 orë!
Për mua, një jetë e tërë në kërkim. Për shumë nga ju, thirrje monotone e përvitshme.
Dua drejtësi!
Aq më bën për qetësinë tuaj që prishet! Fare s’më bën për asgjë. Veç drejtësi dua për Babin tim! Asgjë më pak e as më shumë sesa të vërtetën!
Mallkuar qofshi, ju që e vratë dhe ju që e dini e po e fshihni të vërtetën! Unë besoj në Zot. Dhe e di se një ditë, jo shumë larg nga sot, do t’u shoh në sy, të gjithëve! Në gjyq! Maskarenj!
Interes i madh i mediave të huaja për funeralin
Kujtojmë se mediat e huaja e kishin përciellur me interes edhe funeralin e veprimtarit të LDK-së, i cili ka mërita të mëdha në informimin e publikut në një kohë mjaft të vështirë për Kosovën. /tesheshi.com/
Në linkun më poshtë mund të shikoni pamje nga funerali i Enver Malokut në vitin 1999:
https://magazina.gjirafa.com/?video=vrasja-e-enver-malokut
