Nesër mbushen 19 vjet nga dita kur pranë selisë së PD-së u vra Azem Hajdari, deputet dhe ish-lider i lëvizjes Dhjetor `90.
Çdo vit Partia Demokratike ka organizuar ceremoni prapë memorialit të vendosur në vendin ku u ekzekutua Hajdari, bashkë me truprojën e tij.
Të njëjtat ceremoni pritet të organizohen edhe nesër.
Por, i pari që ka kujtuar ish-kryetarin e parë të PD-së, është një tjetër dhjetorist, Bislim Ahmetaj.
Përmes një komenti në rrjetet sociale ai shkruan: “nesër mbushen 19 vite pa ty Azem. I mungon çdo shqiptari patriot që e do vendin e tij dhe kombin shqiptar. I mungon idealistëve dhe njerëzve të ndershëm, që fatkeqësisht i janë pakësuar në ekstrem Atdheut, që i fale gjakun tënd”. /tesheshi.com/
