Një shpërthim në orët e vona të mbrëmjes të së hënës në Mançester u ka marrë jetën 22 personave dhe ka lënë të lënduar më së paku 59 të tjerë, raporton BBC-ja.
Shpërthimi, për të cilin dyshohet se është një sulm terrorist, ka ndodhur pas një koncerti të këngëtares amerikane Ariana Grande në “Manchester Arena”.
Mes viktimave dhe të plagosurve mendohet të ketë shumë adoleshentë, pasi një pjesë e mirë e ndjekësve të këngëtares amerikane i përkasin kësaj moshe.
Gjithnjë sipas BBC-së, dy zyrtarë amerikanë, emrat e të cilëve nuk bëhen të njohur, kanë sugjeruar se shpërthimi është kryer nga një kamikaz.
Kryeministrja britanike Theresa May shprehu ngushëllimet për viktimat, ndërkohë që aktivitetet e fushatës elektorale për zgjedhjet e përgjithshme të qershorit janë pezulluar. /tesheshi.com/
