Gjithë ne kemi pasur rastin të hapim frigoriferin dhe të shohim se si frutat dhe perimet nuk janë të freskëta më, dhe sa e sa herë kemi shpenzuar në këta artikuj ushqimorë, të cilët pas një kohe është dashur t’i hedhim në koshin e plehrave.
Për fat të mirë, ekzistojnë disa metoda për të evituar situata të ngjashme, në mënyrë që pemët dhe perimet të mbahen të freskëta për një kohë më të gjatë.
Mund të tingëllojë paksa e çuditshme, por është më mirë që frutat dhe perimet të mos pastrohen para se të ruhen në frigorifer apo në bufe. Në rast se ndonjë pjesë nuk është e pastër, vetëm pastroje lehtë me një leckë të thatë dhe të pastër. Larja mund të heqë mbrojtjen e saj natyrore kundër mykut dhe kalbjes.
Lagështia vetëm mund të nxisë ushqimin që të myket më lehtë. Një truk i mirë është të vendosim një copë letre brenda enës që mban fruta dhe perime, në mënyrë që të thithë lagështinë e tepërt, duke parandaluar kështu produktin nga kalbja.
Mbështillni kërcellin e bananeve
Në rast se bananet ruhen në frigorifer shpejtë do të marrin ngjyrë të zezë dhe do të humbin shijen e tyre. Më së miri është të ruhen në temperaturë dhome, me kërcellin e mbështjellur me qese plastike për ushqim.
Ruaji perimet si psh karotën apo selinon të prera në feta dhe të qëruara në ujë
Ruaji frutat dhe perimet në pjesën më pak të ftoftë të frigoriferit, në të kundërt është më vështirë të ruhet freskia dhe aroma e tyre
Disa fruta dhe perime nuk duhet të ruhen bashkë. Disa lloje të frutave dhe perimeve fillojnë të lirojnë etilen momentin që piqen, si banania, pjeshka, kajsia, kumbulla, mangoja, pjepri, domatja.
Frutat dhe perimet e tjera janë të ndjeshme ndaj etilenit përfshirë këtu mollët, patëllxhanët, shalqiri, patatet, kungulli, karotat dhe brokoli. Nëse vendosen afër kategorisë së parë ato fillojnë të kalben shumë shpejtë. Andaj më së miri është të ruhen ndaras.
Qepët dhe patatet ruhen në vende të ndara
Nëse ruani qepët dhe patatet në një vend, nga kjo e fundit do të dalin fidane dhe do të bëhen të pangrënshme.
Qepët dhe hudhrat preferojnë errësirën
Nëse nuk keni hapësirë të tillë, vetëm bëni disa vrima në qese.
Patatet do të prishen nëse ruhen në dritë të diellit
Jo vetëm që kalben, por ato mund të bëhen edhe të rrezikshme. Është mirë të ruhen në ndonjë vend të thatë, të errët, në ndonjë shportë/kuti prej drurit apo plastike.
Ruani disa mollë bashkë me patatet
Në rast se i ruani dy apo tri mollë bashkë me patatet, këto të fundit do të qëndrojnë më të freskëta për një kohë më të gjatë.
Asparagus duhet të ruhen si një buqetë me lule, në këtë mënyrë do të qëndrojnë të freskëta për një kohë më të gjatë.
Brokoli dhe lulelakra duan lagështinë, andaj është mirë nëse ruhen dhe vendosen në një gotë me ujë.
Perimet që ruhen në temperaturë dhome kërkojnë qarkullim të ajrit
Mbështilleni selinon në petë kallaji dhe ruajeni në frigorifer. Në këtë mënyrë ruhet më mirë. E humb shijen dhe qëndrueshmërinë nëse vendoset në qese të 
Domatet duhet të ruhen me kërcellin lartë. Ajo është pjesa më delikate e domates, dhe m’u aty fillon të kalbet.
Rrushi do të qëndrojë i freskët nëse ruhet në qese polietileni dhe vendoset në frigorifer. Po ashtu nuk duhet vendosur në sasi të madhe, ngase në këtë mënyrë do të ndrydhen.
