Në një ceremoni në kuadër të 17-vjetorit të themelimit të Policisë së Kosovës, nga krerët më të lartë të politikës së Prishtinës është bërë dhe pak politike. Duke e lidhur atë me protestat politike, në të cilat policia është angazhuar dhe në arrestime të shumta të aktivistëve të opozitës, kryeministri Isa Mustafa i ka dhënë një rrahje shpatullash mbështetjeje duke deklaruar:
“Ne mburremi me ju dhe ju do të keni përkrahje të fuqishme nga ne. E di që se keni pas lehtë sepse kohët e fundit jeni përballë me sfida ku e keni mbrojt vendin dhe popullin e Kosovës por këto i keni bërë me profesionalizëm dhe mbi bazën e Kushtetutës”, ka thënë kreu i qeverisë së Kosovës.
Po në këtë linjë ka qenë dhe ministri i Brendshëm, Skënder Hyseni: “Sot kemi shumë arsye për të qenë krenar. Kemi polici të përkushtuar për shtetin e vet që nuk i mungon as vullneti dhe as gatishmëria”, ka thënë ai.
Ndërsa sipas Drejtorit të Përgjithshëm, Shpend Maxhuni, Policia e Kosovës vlerësohet si institucioni më kredibël në vend.
Por nga ana tjetër është fakt se Policia e Kosovës ka dështuar, po ashtu si gjithë shteti i Kosoës, që të ketë kontrollin mbi veriun e vendit, ku prej vitesh serbët bëjnë si të duan e kanë krijuar një “shtet brenda shtetit”. /tesheshi.com/
