Gjenerali amerikan John Allen, i Dërguar Special Presidencial në Koalicionin Global Kundër ISIS-it, mbërrin në Kosovë. Ai do pritet sot në takim nga Presidentja e Republikës së Kosovës, Atifete Jahjaga, bën të ditur Presidenca Kosovare në njoftimin e dërguar.
Nga një komunikatë e publikuar nga Departamenti amerikan i Shtetit, theksohet se gjenerali Allen fillimisht do të takohet me autoritetet në Kosovë më 4 qershor. Një ditë më vonë do të vizitojë Malin e Zi, për të vazhduar pastaj në Bosnjë dhe Kroaci, më 8 dhe 9 qershor.
Gjenerali Allen është emëruar në këtë post në shtator të vitit të kaluar, “për të ndihmuar ndërtimin dhe funksionimin e koalicionit në përpjekje për të degraduar dhe shkatërruar ISIS. /tesheshi.com/
