Të takosh Kristiano Ronaldon nuk është gjë që bëhet çdo ditë. Ndaj thuhet që nëse të jep dorën apo pozon me ty, është shans i madh. Por nëse ti kërkon ta takosh me çdo kusht 4 herë fituesin e Topit të Artë, atëherë duhet të paguash 16 mijë euro.
Në fakt këto para nuk shkojnë në xhepin e portugezit, por janë një fond që po mblidhet nga shoqata bamirëse “Charity Stars”, e cila mundëson takimet me sportistë Vip.
Të gjithë të interesuarit do të kenë mundësi të takojnë Ronaldon, të fitojnë 2 bileta për një ndeshje të Realit të Madridit, si edhe të marrin pjesë në një stërvitje para ndeshjes së Los Blancos.
Të ardhurat do të shpërndahen për fondacionin “Forever Dream”, që është krijuar për fëmijë, familjet e të cilëve nuk kanë mundësi ekonomike apo fizike, për tu integruar si gjithë të tjerët.
E kur është fjala për bamirësi, Ronaldo ka qenë gjithnjë i pari për të kontribuar. 32 vjecari e ka shprehur publikisht se vjen nga një familje e varfër e se u është gjendur gjithmonë atyre që nuk kanë patur mundësi. Përveç talentit unikal, portugezi është bërë figurë e dashur, edhe për shpirtin e tij bamirës. /tesheshi.com/
