Infektologu kryesor amerikan Anthony Fauci tha se numri i vdekjeve nga koronavirusi në SHBA mund të ishte më i ulët nëse shtetet ndiqnin rekomandimet e ekspertëve mjekësorë.
“Armiku ynë është një virus. Nuk ka kohë për grindje politike dhe konflikte politike,” i tha Fauci BBC-së.
Fauci gjithashtu tha që disa prej afro 150,000 vdekjeve në SHBA mund të ishin parandaluar.
“Unë mendoj se ata mund t’i kishin detyruar ata që të respektonin masat e shëndetit publik. Kjo është arsyeja pse ne duhet të vazhdojmë me mesazhe të tilla derisa të kemi vaksinën,” tha Fauci.
Ai shtoi se disa shtete kishin anashkaluar kontrollet dhe kishin kaluar në fazën tjetër të lehtësimit të masave kufizuese, gjë që kishte çuar në një rritje të numrit të rasteve të COVID-19.
Numri i vdekjeve në Shtetet e Bashkuara tejkaloi 150,000 njerëz të mërkurën, më i larti në botë, tregojnë të dhënat e Reuters,.
Në të gjithë vendin, vdekshmëria nga COVID-19 ka qenë në rritje për tre javë me radhë, ndërsa numri i rasteve të reja kohët e fundit ka filluar të bjerë për herë të parë që nga qershori.
Me rastet në rritje në Arizona, Kalifornia, Florida dhe Texas këtë muaj, kapaciteti spitalor ka qenë i mbipopulluar.
Kjo i detyroi shtetet federale të bënin një kthesë në rihapjen e ekonomive të tyre, të cilat ishin të kufizuara nga karantina e prezantuar në mars dhe prill, në mënyrë që të ndalonin përhapjen e virusit. /tesheshi.com/
