Të paktën 15 vetë u vranë dhe 20 të tjerë u plagosën si pasojë e shtypjes nga turma në një mbikalim këmbësorësh në një stacion hekurudhor në qytetin perëndimor Mumbai.
Ngjarja ka ndodhur mëngjesin e së premtes, sipas një zyrtari hekurudhor. Zyrtari për marrëdhënie me publikun i Hekurudhave Anil Saxena konfirmoi numrin e viktimave në stacionin hekurudhor Elphinstone.
Ngjarja mund të ketë ndodhur rreth orës 10.30 të orës lokale kur njerëzit nxituan drejt urës për t’u strehuar nga një rrebesh i papritur shiu.
Zyrtari i lartë i shëndetësisë në spitalin KEM, Dr. Pravin Bangar, i tha India Today se 15 të vdekur u sollën në spital.
Sistemi hekurudhor i Mumbait është i shtrirë në rreth 465 kilometra dhe operon me 2,342 shërbime treni. Ai mbart më shumë se 7.5 milionë udhëtarë në ditë. /tesheshi.com/
