Afati kalimtar për transferimin e futbollistëve ka përfunduar. Por, në ditën e fundit të saj shumë klube të mëdha kanë hapur “kuletat” e tyre për të shpenzuar në përforcimin e skuadrës. Merkatoja në Angli është mbyllur një ditë më vonë dhe kjo ka bërë që vetëm gjatë ditës së martë të jenë shpenzuar mbi 143 milionë euro.
Goditjen më të fuqishme në orët e fundit të merkatos e ka bërë Manchester United. Skuadra, jo që vetëm që dërgoi me vonesë dokumentacionin e De Geas drejt Madridit, por shfrytëzoi kohën për të transferuar yllin e ri francez Anthony Martial nga Monaco. Për sulmuesin 19-vjeçar djajtë u desh të mbushnin arkën e klubit nga principata franceze me 60 milionë funta.
Duke parë formën jo të mirë të skuadrës së tij, tekniku portugez i skuadrës Chelsea ka vendosur të ndërhyjë në merkato. Klubi i kaltër londinez ka transferuar në radhët e veta dy mbrojtësit Papy Djilodijn dhe Michael Hector.
Aktive në ditën e fundit të merkatos ka qenë edhe skuadra tjetër nga Londra West Ham United duke afruar në radhët e veta futbollistët; Song, Jelavic, Michail Antonio, Victor Moses. Gjithashtu edhe skuadra e Watford ka goditur me tri transferta në ditën D të merkatos; Obbi Oulare, Ibarbo, Guediora.
Këto janë nënshkrimet e fundit nga klubet e Premier Ligës Angleze në ditën e fundit të merkatos:
–Manchester United:Martial
–Chelsea:Papy Djilodji, Michael Hector
–Southampton:Virgil Van Dijk
–Everton:Funes Mori, Lennon
–West Ham:Song, Jelavic, Michail Antonio, Victor Moses
–Aston Villa:Lescott, Sarkic
–Nottingham Forest:Chris O’Grady
–Watford:Obbi Oulare, Ibarbo, Guediora
–Sunderland:Yedlin
–Bournemouth:Glen Murray
/tesheshi.com/
