Sot u mbushën 13 vjet nga cunami shkatërrues që goditi brigjet e Oqeanit Indian, ku në Banda Aceh të Indonezisë u shënua tragjedia më e madhe njerëzore me afro 230 mijë të vdekur.
Cunami goditi gjithashtu brigjet e Tajlandës, Sri Lankës e shkoi deri në Somali, në Afrikë.
Por vetëm në Indonezi humbën jetën afro 190 mijë njerëz. Pamjet që u ofruan nëpërmjet televizioneve ishin vërtet të llahtarshme. Ndaj dhe ai cunam, është konsideruar si një ndër katastrofat më të mëdha përgjatë gjithë historisë së njerëzimit.
Ndërkohë, nga Shqipëria pati një grup aktivistësh humanitarë që shkuan atje për t’u ofruar ndihmë banorëve. Mes tyre ishte pikërisht Erion Veliaj, në atë kohë drejtues i Mjaft-it, i cili më parë ishtë angazhuar në aksione humanitare në disa vende të botës, e posaçërisht në Afrikë. /tesheshi.com/
