Ka dështuar një mbledhjë e KQZ-së e thirrur pas kërkesës së disa prej partive opozitare për t’u regjistruar për 13 Tetorin e Metës, e kjo pasi katër anëtarë nga mazhoranca e bojkotuan atë. Kjo ka sjellë reagimin e ashpër të Fatmir Mediut nga kampi opozitar, i cili tha se Kuvendi duhet të shkarkojë katërshen bojkotuese.
“Partia Socialiste me mospjesmarrjen e saj ne KQZ ka bojkotuar zgjedhjet dhe institucionet. Mosparaqitja e anëtarëve të KQZ në mbledhjen e sotme është precedenti më i rëndë që nga krijimi i këtij institucioni. Ata sot jo vetëm i kanë rënë ndesh Dekretit të Presidentit dhe s’kanë respektuar detyrimin e tyre kushtetues dhe ligjor për të organizuar zgjedhje, por kanë thyer edhe betimin e bërë para Kuvendit kur kanë marrë detyrën. Ky është shkak për shkarkimin e tyre të menjëhershëm. Kuvendi duhet të mbidhet menjëherë e të marrë masa”, tha kreu i PR.
Ndërkohë, akti i anëtarëve të mazhorancës në KQZ nuk përbën asnjë befasi pasi e kishin paralajmëruar diçka të tillë, edhe nga fakti se u angazhuan me 30 Qershorin, duke mos e marrë në konsideratë anullimin e kësaj date nga presidenti Meta. /tesheshi.com/
