Gëzim, lumturi dhe një festë e vërtetë. Kjo është ajo që ndodhi me nxënësit e një shkolle ku më në fund u lidh energjia elektrike pas 112 ditësh.
Praktikisht, nxënësit në shkollën “Academic Bautista de Puerto Nuevo” në San Juan të Puerto Ricos kishin plotë 112 ditë pa drita dhe në rrjetet sociale publikuan një video, në të cilën duken duke kërcyer nga gëzimi në të gjitha klasat, ndërsa mësueset u binin zileve.
Ata po festonin të gjithë për rikthimin e elektricitetit, i cili ishte shkëputur që nga momenti kur Uragani Maria shkatërroi një pjesë të territorit gjatë verës.
Përbri videos shkruhej: “Pas 112 ditësh, energjia u kthye. Një gëzim i madh për të gjithë ne. Falenderojmë prindërit, nxënësit dhe stafin,i cili na qëndroi pranë dhe na mbështeti gjatë këtyre ditëve”./tesheshi.com/
