Ta shohësh për nga emrat, duket një formacion i frikshëm…nëse do të flisnim 4-5 vjet më parë. Por sot, ata janë thjesht 11 të “papunë”, në pritje të ndonjë telefonate për punë sezonale.
Bëhet fjalë për lojtarë të mirënjohur, të cilët kanë mbyllur kontratat me klubet respektive dhe që sot janë “me plaçka në duar”.
Nëse do ta shohim si formacion, duhet të përmendim: në portë Kasijas; në mbrojtje Terri, Pepe, Kaseres dhe Klishi; në mesfushë Raul Meireles, Tiago Mota, Flamini dhe Navas; në sulm Kasano, Toti dhe Ibrahimoviç.
Edhe pse disa prej këtyre lojtarëve kanë marrë kontakte nga klube të ndryshme, apo të tjerë kanë menduar tërheqjen për shkak të moshës, është fakt që sot ata janë “në mes të 4 rrugëve”. /tesheshi.com/
