Para se të ndodh 21 janari në Tiranë, ku u vranë katër protestues, pati pak më para dhe një “21 janar” në Prishtinë me dy viktima.
Dy aktivistë të Vetëvendosjes, Arben Xheladini dhe Mon Balaj, ranë therror duke protestuar me qindra të tjerë kundër negociatave të Kosovës me Serbinë dhe Pakos së Ahtisaarit. Ndodhi kjo më 10 shkurt 2007. Protesta eskaloi në momentin kur u heqën rrethojat e vendosura në mes të sheshit. Ishte policia e rumune e UNMIK-ut, ajo që reagoi në mënyrë të dhunshme duke sjellë vdekjen e dy protestuesve dhe plagosjen e qindra të tjerëve.
Ndërkohë, lotsjellësi që është përdorur nuk ishte parë asnjëherë më herët por as deri më sot.
Madje, erërat e lotsjellësit nuk u hoqën pesë ditë nëpër sheshet e Prishtinës.
KMDLNj ka kërkuar drejtësi për viktimat e 10 shkurtit, si dhe ka kërkuar që viktimat Arben Xheladini dhe Mon Balaj të kenë statusin e “viktimës politike”, ndërsa, familjet e tyre të fitojnë të drejtën e atyre familjeve të viktimave civile të luftës.
KMDLNj ka reaguar edhe për të plagosurit e kësaj proteste, duke thënë se duhet të kompensohen moralisht dhe materialisht në përputhje me ligjin.
Më poshtë mund të shikoni disa foto dhe video se ç’ndodhi 11 vite më parë:
