Kreu demokrat Basha ka shfrytëzuar 105-vjetorin e Policisë së Shtetit, për të denoncuar qeverisjen e Ramës në lidhje me sektorin e Rendit, atë të cilin opozita e ka më në shënjestër për shkak të personit të Saimir Tahirit.
Pasi realizoi një vizitë në shtëpinë e të ndjerit Artan Cuku, një ish-shef rendi ekzekutuar kohë më parë në pallatin ku banonte, Basha bëri një thirrje tipike opozitare për rrëzimin e qeverisë.
“Shqipëria është kthyer në një zonë të lirë të krimit si pjesë e paktit kriminal mes Edi Ramës dhe atij që e ndihmuan të kthehej në pushtet me vota të shitura. Ndaj shërbimi më i madh është të bashkohemi në aleancë vlerash për të mposhtuar aleancën e krimit në pushtet për të kthyer dhe njëherë policinë e çliruar nga krimi për të kryer detyrat e larta fisnike. I uroj të gjithë atyre burrave dhe grave të gjejë forcën të përballet me këtë të vërtetë të dhimbshme dhe t’i bashkohet me shpirt kurajos qytetare që do të ngrihet në aksionin qytetar dhe politik për t’i dhënë fund aleancës në pushtet”, tha kreu demokrat.
Në fjalën e tij, nuk mungoi as një koment mbi vettungun në polici, nisur nga ministri Xhafaj/
“Vetingu nga Fatmir Xhafaj është si t’i varësh mëlçitë ujkut në qafë, policia do pastrohet kur qeveria të pastrohet nga politikanë të lidhur me krimin”, tha Basha. /tesheshi.com/
