Presidenti i Republikës, Bujar Nishani ka udhëtuar mëngjesin e sotshëm drejt qytetit të Vlorës në kuadër të 104 vjetorit të shpalljes së Pavarësisë.
Ai ka qenë i pranishëm në ceremoninë e organizuar në Sheshin e Flamurit dhe të Monumentit të Pavarësisë në qytetin historik të Vlorës. Të pranishëm në këtë ceremoni, veç qytetarëve të shumtë kanë qenë edhe ministrja e Mbrojtjes Mimi Kodheli dhe kreu i Bashkisë Vlorë, Dritan Leli.
Pas ngritjes së flamurit të pranishmit zhvilluan homazhe në monumentin e Ismail Qemalit, ku Presidenti Nishani, ministrja Kodheli dhe kryebashkiaku Leli vendosën një kurorë me lule./tesheshi.com/
