Një aksident ajror i ndodhur së fundi në Kubë, ka shkaktuar 100 të vdekur. Një avion Boeing 737 i Cubana de Aviacion u rrëzua gjatë një nisjeje nga aeroporti ndërkombëtar në Havanë.
Avioni do fluturonte drejt Holguin-it, në lindje të vendit dhe në bord ishin 104 pasagjerë dhe nëntë anëtarë të ekuipazhit.
Presidenti i ri Miguel Diaz-Canel, i cili zëvendësoi Raul Castro muajin e kaluar, mbërriti menjëherë në vendngjarje për të ndjekur operacionin e shpëtimit.
Një zyrtar ushtarak kuban tha se vetëm tre vetë kanë mbijetuar e që janë në gjendje kritike.
Arsyet e aksidentit nuk janë bërë të ditura ende. /tesheshi.com/
