Serbia ka vendosur për herë të parë që të zhvillojë një stërvitje të përbashkët me ushtrinë amerikane në territorin serb.
Pikërisht në momentin kur Aleksandër Vuçiç do të vizitojë Moskën për të takuar Vladimir Putinin, në Serbi, parashutistët amerikanë të reparteve special të Marinës do të desantojnë në një nga bazat ushtarake në jug të Serbisë.
Siç bën të ditur Reuters, bëhet fjalë për 100 parashutistë, të cilët janë ftuar zyrtarisht nga Ministria Serbe e Mbrojtjes, e cila kërkon të japë një model të sajin të të ashtuquajturës “politikë të neutralitetit” të Beogradit.
Por zyrtari i lartë i DASH, Hoyt Brian Yee, e cilësoi këtë politikë jo “neutralitet”, por një qëndrim me “dy këmbë në dy vende të ndryshme”.
/tesheshi.com/
