Dueli me Romën në fazën e grupeve të Ligës së Kampionëve, do të jetë i veçantë për Lionel Messin. Jo vetëm pse ylli argjentinas do të rikthehet në tempullin “Olimpico”-s, aty ku e filloi historinë e një suksesi, por dhe që do kompletojë 100 ndeshje në garën më prestigjioze në botë. Deri në këtë sfidë, Messi ka regjistruar 77 gola dhe ka fituar katër herë këtë kompeticion.
Ylli i ri argjentinas e nisi aventurën ‘Champions’ në Ukrainë, me ç’rast skuadra e tij Barcelona u përball më Shakhtar Donetsk, sfidë të cilën e humbën (2-0).
Goli i tij i parë nuk do të vononte shumë. Më 3 nëntor të vitit 2005, Messi do të prodhonte një vepër arti përballë grekëve të Panathinaikos, ndeshjen të cilën e fituan bindshëm (5-0).
Një ndër ndeshjet e tij të papërsëritshme ishte ajo ndaj gjermanëve të Bayer Leverkusen. Messi arrit të realizojë një pesëgolësh në atë përballje, për të hyrë në librin e rekordeve. Katër herë fituesi i Topit të Artë ka fituar po aq herë Ligën e Kampionëve me Barcelonën.
Lojtarët me më së shumti paraqitje në Ligën e Kampionëve janë; Xavi Hernandez 150, Iker Casillas 149, Raul Gonzales 142, Ryan Gigs 141, Clarence Sedorf 125.
Ndiqni 10 vepra arti nga Lionel Messi : https://www.youtube.com/watch?v=k8HhntKpLcU
/tesheshi.com/
