Vrasja e Jamal Khashoggi, e cila ka ndodhur para syve të të gjithë botës, duhet të jetë subjekt i hetimeve ndërkombëtare, njoftoi të enjten në Stamboll Goksu Ozahishali – përfaqësuese e Amnesty International në Turqi.
Përfaqësuesit e Amnasty-t në këtë vend mbajtën një konferencë shtypi në Stamboll në kuadër të 100 ditëve nga vrasja brutale gazetarit saudit.
Konferenca u mbajt përpara konsullatës saudite në Stamboll, ndërtesën ku Khashoggi u vra më 2 tetor të vitit të kaluar.
Ozahishali ka njoftuar se, si aktiviste dhe mbrojtëse të të drejtave të njeriut, ata kërkojnë drejtësi për të vërtetën mbi Khashoggi.
“Zyrtarët turq kanë nisur një hetim për fatin e gazetarit Khashoggi. Ata erdhën në përfundim se ai ishte mbytur në ndërtesën e konsullatës dhe se më pas trupi iu shpërbë. Për këtë arsye, në ditën 100 të vrasjes së tij, në mënyrë simbolike po e quajmë këtë rrugë me emrin e tij”, tha Ozahishali.
Duke folur për hetimin e nisur nga autoritetet saudite, Ozahishali tha se mendon që ato janë vetëm formale. /tesheshi.com/
