Shumica e celularëve tanë kanë në trup një kamerë, të cilën ne po e përdorim gjithnjë e më shumë. Ndërsa fiksojmë çastet e veçanta të jetës, ja se cilat janë disa këshilla si të jeni më “profesionalë”.
Përdorni një aplikacion kamere
Në vend që të përdorni kamerën standarde të celularit tuaj mund të provoni të shkrepni foto me një aplikacion kamere si vsco cam ose camera +.
Sigurohuni të keni hapësirë
Çasti më i keq për çdo përdorues të celularit është të gjendet përballë një pamjeje që do ta fotografojë dhe zgjedhjes për të ruajtur fotografitë e vjetra.
Provoni kënde të reja
Ndonëse jo të gjithë jemi fotografë të lindur, disa teknika mund t’ju ndihmojnë shumë të përmirësoni fotografitë tuaja. Një prej tyre është ndryshimi i këndeve.
Fikni fleshin
Fotografitë janë më të bukura me dritën natyrale. Gjithnjë e më shumë prodhuesit e smartfonëve po përqendrohen te kamerat dhe kjo i bën ato të favorshme për shumicën e llojeve të fotografive.
Pastroni lenten
Ndonëse mund të mos ju shkojë në mendje, pastrimi i lentes së kamerës së celularit bën një diferencë shumë të madhe në cilësinë e fotove tuaja.
Shkrepni pa frikë
Sa më shumë foto të shkrepni, aq më të larta janë gjasat tuaja për të kapur foton ideale. Mos kini frikë të bëni shumë foto, për sa kohë do t’i sinkronizoni ato me kompjuterin, do ta keni të lehtë t’i fshini dhe të shkrepni të reja.
Regjistroni çastet më të veçanta
Fotografia e celularit është bërë gjithnjë e më e përhapur dhe njerëzit po aftësohen përherë e më tepër me të.
Përfshihuni
Galeria e celularit tuaj mund të përmbajë shumë foto, por nëse ju vetë nuk jeni në një pjesë të mirë të tyre, atëherë ato nuk do të kenë ndjesinë e një lidhjeje të fortë me ju
Provoni aplikacion të rregullimit
Jo të gjitha fotot janë ideale, por ju mund t’i bëni ato shumë të pranueshme për të tjerët nëse përdorni një aplikacion të posaçëm për rregullimin e tyre. Provoni prerjen, nivelet e ekspozimit dhe kontrastit, si dhe filtrat për të bërë foto që tërheqin syrin e miqve tuaj më të cilët i ndani.
Mësoni nga të tjerët
Nuk ka asgjë të keqe “të kopjoni” disa metoda të fotografimit që i keni parë nga miqtë tuaj ose nga persona që arrijnë ta përdorin mjaft mirë kamerën e celularit
