Gazetari Roland Qafoku ka ofruar një album të dhënash mbi 10 presidentët në historinë e deritanishme të politikës shqiptare, me shkak zgjdhjen e Ilir Metës si i dhjeti në radhë.
Për çdo njërin prej tyre Qafoku ka ofruar telegrafikisht gjeneralitetet e tyre duke nisur nga data e lindjes, origjina, shkollimi etj., duke theksuar njëkohësisht dhe statusin e tyre në raport me besimin. Bie në sy tek këto të dhëna që tre presidentë në dhjetëshe kanë qenë ateistë.
Bëhet fjalë për Omer Nishanin, Haxhi Lleshin dhe Ramiz Alinë, që të tre të epokës komuniste. Po ashtu, vetëm njëri prej tyre ka rezultuar të jetë vetëm me shkollën fillore dhe ky ka qenë Haxhi Lleshi.
Ndërsa me Ilir Metën në krye të shtetit, vjen dhe rasti i parë kur Presidenti është me origjinë bektashiane. Madje ai përpiqet ta afirmojë këtë identitet, teksa një herë në vit i ngjitet malit të Tomorrit, aty ku ndodhet Teqeja e Baba Aliut, së bashku me një pjesë të lidershpit të LSI-së. /tesheshi.com/
