Kushdo që ka fëmijë e kupton se vjen një moment dhe sheh rreth e rrotull shtëpisë dhe duket qartë se lodrat e kanë pushtuar atë. Sado që prindërit mundohen t’i ftillojnë dhe t’i fshehin, ato përsëri marrin dhenë. Kur vijnë raste për t’u dhuruar atyre diçka nuk dinë më as çfarë t’i blejnë. Shikoni alternativat e mëposhtme që mund t’i lumturojnë fëmijët dhe mund të jenë shumë herë më të dobishme se thjeshtë lodra.
Kurse. Mund t’i dhurohet fëmijës mundësia për të zgjedhur një kurs që dëshiron. Por jo nga ato kurset për të cilat është i detyruar të shkojë. Të jetë diçka zbavitëse dhe që duhet ta zgjedhi vetë, por ju mund t’i propozoni disa alternativa si kurs pikture, noti, arte marciale, futbolli etj.
Një biletë. Mund të jetë biletë parku, boulingu, patinazhi në akull, kinemaje, teatri etj.
Abonime. Fëmijëve u pëlqen shumë të marrin letra me postë. Kështu mund të bëni ndonjë abonim reviste për fëmijë apo koleksion të ndonjë libri me seri.
Punë kopshtarie. Dhurojini atyre një bimë për të cilën mund të kujdeset dhe ta “rrisë” vetë. Dhurojini dhe materialet personale për të bërë punë kopshtarie nëse e tërheq.
Çantë mjetesh. Për fëmijë të vegjël të moshës nga 2 deri në 4 vjeç mund t’i dhurohen lodra por që janë një çantë me mjete si përshembull çanta e mekanikut, e gatimit, e pikturës apo e qepjes së rrobave
Një kupon për të ngrënë jashtë. Mund të jetë në restorant, piceri, pastiçeri etj. E rëndësishme që të jetë e gjithë familja dhe fëmija ta zgjedhë vetë vendin, brenda dhe mundësive ekonomike.
Një puzzle. Mund të bëjë pjesë tek lloji i lojrave por është një mënyrë argëtuese dhe e dobishme për të stërvitur trurin.
Një veshje. Brenda një çmimi të caktuar dhe që fëmija ta zgjedhë vetë.
Një kalendar të personalizuar. Një kalendar i tillë mund të porositet nga kinkaleri apo studjo dizajni. Në të mund të shënohet emri i fëmijës shoqëruar me ndonjë fotografi. Shërben dhe si diçka argëtuese por dhe një mënyrë për të shtuar përgjegjësinë e fëmijës për të mbajtur shënim ditë të rëndësishme dhe plane javore apo mujore.
Një libër. E si mund të mungonte libri, miku më i mirë i çdo fëmijë?
