10 gabime që nuk duhet t’i bëni kur thani flokët me tharëse

Nëse doni të keni maja të përsosura të flokëve, duhet të kujdeseni për to duke filluar nga shampoja. Edhe stilimi i tyre ka nevojë për vëmendjen e duhur, veçanërisht nëse përdorni pjastrën. Mos harroni se duhet gjithashtu edhe të thani flokët në mënyrën e duhur, pasi nëse e përdorni tharësen në mënyrën e gabuar, flokët tuaj mund të shkatërrohen. Ja cilat janë 10 gabimet që nuk duhet të bëni kur thani flokët:

Keni flokë shumë të lagësht – Kur thani flokët, bëni kujdes pasi ata nuk duhet të jenë shumë të lagur. Thajini më parë me një peshqir, të iki uji i tepërt dhe më pas thajini me tharëse.

Për volumin e flokëve – Ndërsa jeni duke tharë flokët, mos përdorni një krehër për tu dhënë atyre volum, por bëni mirë të ulni kokën poshtë dhe të thani flokët. Më pas përdorni gishtat për të fryrë sa doni flokët (mbani larg furçën e modelimit kur thani flokët e lagur).

Krihni në mënyrën e gabuar – Për të tharë flokët në mënyrën e duhur, duhet të nisni me krehjen e tyre nga rrënja duke zbritur tek maja e flokëve. Në këtë mënyrë do të keni flokë të drejtë dhe tharja e tyre do të jetë më e lehtë.

Ta ekzagjerosh me krehjen – Mundohuni fillimisht të hiqni ujin e tepërt nga flokët dhe më pas t’i krihni ato, gjatë tharjes, pasi në të kundërt, flokët tuaj do të këputen e do të bien.

Kujdes me nxehtësinë – Për të tharë flokët ju nevojitet ajër i ngrohtë, por bëni kujdes me temperaturën. Nëse është shumë e nxehtë do të dëmtoni flokun duke shkaktuar edhe rënien e tyre.

Përdorimi i tharëses shumë afër – Për të mos shkatërruar flokët, tharësja duhet të qëndrojë në një distancë të paktën 10 cm larg flokëve. Në këtë mënyrë evitoni djegien e flokut.

Të nxitosh – Thaja e flokut kërkon kohën e saj, ndaj mos u mundoni ti thani ato shpejt e shpejtë, pasi do të rrezikoni të krijoni majat e dyfishta

Të mos i ndash flokët në zona – Është shumë e këshillueshme që gjatë tharjes, flokët të ndahen në zona. Fillimisht këshillohet të thahet pjesa e poshtme e flokëve dhe më pas, dalëngadalë të kaloni në zonat e tjera.

Të mos përdorësh krehrin e duhur – Mund të duket banalitet por edhe krehri ka rëndësinë e tij në tharjen e flokëve. Ka disa krehra të cilët ndihmojnë që ju t’i jepni flokëve volum dhe ndihmojnë që ata të jenë të drejtë në përsosmëri.

Të mos i thash tërësisht flokët – Shumë persona mendojnë se mund të përdorin fare mirë pjastrën edhe duke mos i tharë deri në fund apo tërësisht flokët. Kjo është një nga gabimet më të mëdha që mund të jeni duke bërë pasi jo vetëm që ndihmoni në krijimin e majave të dyfishta por shkaktoni edhe djegien, këputjen e rënien e flokëve. Me pak fjalë, një shkatërrim i vërtetë./tesheshi.com/