1 Shtatori shënon fillimin e aksionit të madh kundër informalitetit, si e ka përshkruar qeveria shqiptare. Në qendër është kontrolli i biznesit të madh, mirëpo strukturat shtetërore do ta shtrijnë aksionin kudo.
Ministri i Financave, Shkëlqim Cani ndërsa shpalli aksionin, tha se në të do të marrin pjesë disa institucione dhe strategjia është e konsultuar edhe me FMN-në dhe me vetë biznesin.
Sipas Canit, në Shqipëri ka aktualisht 100 mijë biznese aktive. Rreth 33 e biznesit nuk ka kasa fiskale, kurse niveli i informalitetit është tek 50 për qind.
Duke shpallur objektivat e qeverisë, Cani nënvizoi se me arritjen e synimit kryesor, reduktimit të evazionit fiskal, pasoja pozitive do të arrihen në uljen e taksave, borxhit public dhe rritjen e investimeve.
“Kjo do të krijojë mundësi dhe për rritjen e pagave dhe pensioneve”, nënvizoi Cani. /tesheshi.com/
