Takimi midis Obamës dhe Trumpit në pamje të parë dukej mjaft miqësor. Të dyja palët treguan mirësjellje dhe qetësi. Por, përtej fjalëve, nëse shohim gjestet e tyre atëherë realiteti shfaqet pak më ndryshe.
Këtë e shpjegon ekspertja e “gjuhës trupore” Patti Wood. Dy personazhet kurrë nuk e kanë dashur njëri-tjetrin, ndërsa gjatë konferencës së shtypit kanë shfqur njëfarë parehatie. Obama, nga pozicioni i trupit, shfaqet i lodhur, por mbi të gjitha i dorëzuar, ndërsa Trumpi, sipas ekspertës, shfaqet hezitues.
Por ajo që i bën përshtypje Wood-it është mënyra e tyre e të ulurit. Ajo thekson se si të dy shfaqen me këmbët e hapura, një shenjë burrërie e mbi të gjitha autoriteti. Trumpi për një kohë të gjatë i mbajti duart në “shenjë lutjeje drejtuar poshtë”. Sipas ekspertës bëhet fjalë për një sjellje tipike të dikujt që kërkon ngushëllim. Mbyllja e gjatë e syve nga Obama teksa thoshte se ishte i inkurajuar nga bashkëpunimi me Trumpin, tregon se bindja e presidentit në detyrë në të vërtetë është krejtësisht e kundërt. /tesheshi.com/
