Një shënim i shkruar i shkruar nga Albert Ajnshtajni që përmban këshilla për lumturinë ka arritur të shitet në një çmim rekord në një shtëpi ankandi në Jeruzalem për 1.56 milion dollarë.
Ajnshtajni ia dha shënimin një korrieri në Tokio në vitin 1922 në vend të një bakshishi.
Ai sapo dëgjoi se kishte fituar çmimin Nobel për Fizikë, i tha lajmëtarit se nëse ai ishte me fat, shënimi i tij do të kishte vlerë shumë të madhe një ditë.
Ajnshtajni sugjeroi në shënimin e tij se “arritja e një qëllimi të gjatë të ëndërruar, nuk do të garantonte domosdoshmërisht lumturinë”.
Fizikanisti i lindur në Gjermani kishte fituar Nobelin dhe ishte në Japoni në një turne leksionesh. Kur ndërlidhësi erdhi në dhomën e tij për të bërë një dërgesë, ai nuk kishte para me vete për ta shpërblyer atë.
Në vend të kësaj, ai i dorëzoi të dërguarit një letër të nënshkruar duke përdorur blloqet e Imperial Hotel Tokio. Ai shkroi në copën e letrës një fjali në gjermanisht: “Një jetë e qetë dhe e përulur do të sjellë më shumë lumturi sesa ndjekja e suksesit dhe shqetësimi i vazhdueshëm që vjen bashkë me të”.
Një shënim i dytë i tij i shkruar në të njëjtën kohë thjesht thotë: “Ku ka vullnet, ka një rrugëdalje”. Ajo u shit për 240,000 dollarë, tha shtëpia e ankandit.
Ofertat fituese për të dyja shënimet ishin shumë më të larta se çmimi i parashikuar para ankandit, thanë ofruesit e ankandeve.
Blerësi i një prej shënimeve ishte një evropian i cili dëshironte të mbetet anonim. Ndërsa shitësi raportohet të jetë nipi i lajmëtarit që u takua me Ajshtajnin.
Këshilla të famshme të shkencëtarit:
Ne nuk mund t’i zgjidhim problemet tona me të njëjtën mënyrë që i krijuam.
Shenja e vërtetë e inteligjencës nuk është njohuria, por imagjinata.
Ne ende nuk e dimë as njëmijë e një për qind të asaj që natyra na ka zbuluar.
Kur je me një vajzë të bukur, një orë duket si një sekondë. Kur ulesh në një pllakë të nxehtë, një sekondë duket si një orë. Ky është relativiteti. /tesheshi.com/
