Ish-shefja e Prokurorisë Speciale të Maqedonisë Veriore, Katica Janeva, u dënua me 7 vite burg pas akuzave në procesin “Reket”, një aferë e 1.5 milion eurove.
Bashkë me të u dënua dhe Bojan Jovanoski, me 9 vite burg, gjë që nuk i pëlqeu prokurorës së çështjes Vilma Ruskoska
“Sa i përket dënimit për Katica Janevan kam pritur diku 7-10 vjet, ndërsa sa i përket Bojan Jovanovskit nuk jam aspak e kënaqur, kam pritur dënim më të madh se 10 vite. Ankesë do të ketë për të dyja vendimet”, deklaroi Ruskoska, prokurore e rastit.
Po ku kanë shkuar 1.5 milion eurot, ryshfet ndaj një vendimmarrjeje në proces?
“Unë mendoj, është bindje e imja se 1.5 milionë euro kanë përfunduar tek Bojan Jovanovski dhe Katica Janeva”, tha Ruskoska.
Pas verdiktit, ajo kërkoi që Janeva nga arresti shtëpiak të kthehet në qeli.
“Duke pas parasysh se tanimë e dënuara ka marrë një dënim të lartë, por edhe për atë se ndaj saj zhvillohet procedurë hetimore për vepër tjetër, kërkoj që Janevës ti shlyhet arresti shtëpiak dhe të kthehet në burg në Shutkë”, tha prokurorja Ruskoska. /tesheshi.com/
