Tritan Shehu, deputet i PD-së, ka reaguar në lidhje me deklaratat e ministres së Shëndetësisë, Ogerta Manastirliu, sipas të cilës shërbimi në spitale është përmirësuar ndërsa prioritet do të kenë qendrat shëndetësore. Por Shehu mendon se qeveria Rama shkatërroi sistemin shëndetësor parësor nëpërmjet centralizmit të aplikuar.
“Po më çudit ministrja Manastirliu sot!! Deklaron se mbasi përmirësuan shërbimin ne spitale, do fokusohen te Qendrat Shëndetësore! I “ndritën” spitalet si dhe shëndetësinë “falas”!
Shkatërruan dhe kujdesin parësor nëpërmjet edhe centralizmit të aplikuar. Për të mos folur për Check Up-in etj simotra të tij.
Kujdesi parësor ka vetëm një zgjidhje, decentralizim, bazim te “profesionisti i lirë” e skemë e plotë sigurative për atë. Fatkeqësisht kjo “rilindje” këto as di t’i implementojë dhe as do që të kujdesen”, shkruan Shehu në rrjetet sociale. /tesheshi.com/
