Gjykata e Elbasanit ka dhënë sot masën e sigurisë me burg ndaj ish-deputetit socialist, Hamit Kosta.
Ai u arrestua dy ditë më parë nga policia, pasi akuzohet për dy vepra penale, “kanosje” dhe “armëmbajtje pa leje”.
Arrestimi erdhi pasi ish-bashkëjetuesja e tij, Elda Tabaku, e denoncoi në polici për kanosje . Ish-deputeti nuk ka pranuar akuzën, por tashmë pritet vendimi i Apelit.
Policia në njoftimin zyrtar tha se Kosta u arrestua në automjetin e tij, ku iu gjet edhe arma pa leje. /tesheshi.com/
