Auto Dak
Auto Dak

Zyrtare: Guardiola dhe Bayern Mynih ndajnë rrugët

Pep Guardiola nuk do të vazhdojë bashkëpunim me Bayern Mynih. Tekniku spanjoll i ka konfirmuar vendimin krerëve të klubit, në mënyrë që të bavarezët të kërkojnë një tjetër zgjidhje për sezonin e rradhës.

Tekniku i kampionëve aktual të Bundesligës, mendon se etapa e tij në bankën e skuadrës gjermane ka përfunduar, ndërkohë vazhdimi i saj mund të gjykohet dhe si për vet klubin ashtu edhe për mënyrën e punës së trajnerit. Situatë kjo nëpër të cilën Pep kishte kaluar edhe tek Barcelona.

Drejtuesit e Bayern Mynih janë munduar t’i ndryshojnë qëndrimin spanjollit duke i ofruar 20 milionë euro në vit, duke bërë kështu trajnerin më të pasur në botë, mirëpo klubi e ka kuptuar se paraja nuk ndikon aspak në vendimin e tij.

Kështu, Guardiola po shkon drejt mbylljes së një epoke 3-vjeçare në Bayern Mynih, duke lënë prapa histori të shumë sukseseve dhe po ashtu polemikave rreth disfatave në Champions. Karl-Heinz Rummenigge ka qenë kritikuesi më i ashpër i tij, duke vënë në pikëpyetje shpeshherë qëndrimin e spanjollit në Mynih.

Tani, tekniku spanjoll lidhet me një kalim të mundshëm tek gjiganti anglez, Manchester City. Klubit nga Etihad mendon të bindë Guardiolan përmes drejtorit të tyre sportive, Txiki Begiristain dhe Ferran Sorianos të ardhur nga Barcelona në klubin anglez. Por, së fundmi emri i Guardiolas është lidhur ngushtë edhe me një kalim tek Manchester United, pasi holandezi Luis van Gaal i ka ditët e numëruara. /tesheshi.com/

 

auto pjese dak

Related posts