Auto Dak
Auto Dak
Auto Dak

Zbulohet nga erdhën vaksinat Pfizer për Shqipërinë, por a është dhuruesi?

Në  një intervistë për A2 CNN, ish-ministri i Shëndetësisë Ilir Beqaj tha se vaksinat Pfizer të ardhura në Shqipëri kishin ardhur nga fabrika në Gjermani, por që kjo nuk do të thotë se është Gjermania dhuruese e tyre, ose dhe mund të jetë, por që qeveria ka vendosur ta mbajë dhuruesin në kofidencialitet.

“Dihet se nga kanë ardhur, nga fabrika e Pfizer në Gjermani. Kjo është një gjë publike. Pfizer do të furnizojë shumë shtete. Ka ardhur nga Gjermania në aeroportin e Rinasit dhe sot administrohet në kushte optimale. Me zinxhirin ftohës të administrimit të vaksinave, Shqipëria është e zonja prej 30 vjetësh. Vaksinat bëhen kudo.  

Unë besoj se përveç marrëdhënies kontraktuale që kemi me Pfizer, përveç se kemi paguar në nëntor te Covax, nuk është çudi që të na vijnë sërish. Ka vende europiane, të cilat me një lloj egoizmi, u bënë bashkë në BE për të marrë sa më shumë doza, por sot nuk i përdorin dot. Ka shtete që kanë teprica vaksinash, që pa dëmtuar shtetasit e tyre, mund t’ia japin vendeve si Shqipëria”, u shpreh Beqaj.

Si një ndër analizuesit e situatës COVID, ai tha se Shqipëria nuk është në nivele alarmante, porse kjo jodomosdoshmërisht ishte meritë e qeverisë.

“Jemi 10 muaj në pandemi të plotë. Bazuar në të dhënat, ku dy treguesit kryesorë janë fatalitetet dhe rastet e deklaruara, Shqipëria është një nga vendet e prekura më pak në Europë. A është kjo meritë e qeverisë? Nuk mund ta them. Nuk kemi parë mbingarkesë të tejskajshme në spitale”, tha politikani i lartë socialist. /tesheshi.com/

 

auto pjese dak

Related posts