Auto Dak
Auto Dak
Auto Dak

Zbarkojnë europianët e vettingut: njeriu që arrestoi Fullanin garon për majën e drejtësisë

Duket se ka nisur lëvizje tektonike për drejtësinë shqiptare, pas një ndenje të gjatë dhe situate që e kanë kthyer këtë sistem në pjesën më të padashur nga njerëzit.

Kanë mbërritur në Tiranë të gjithë përfaqësuesit ndërkombëtar të vettingut, të cilët që prej ditës së nesërme do të fusin në filtër të gjithë gjyqtarët e prokurorët shqiptarë.

Por në radhë të parë, ditën e shtunë në mëngjes, këta do të shqyrtojnë të gjithë emrat që kanë kandiduar për dy trupat më të lartë gjyqësore që janë Këshilli i Lartë Gjyqësor dhe Këshilli i Lartë i Prokurorisë.

Në krye Operacionit Ndërkombëtar të Vettingut është Drejtoresha për Ballkanin Perëndimor në Drejtorinë e Zgjerimit të Komisionit Europian, Genoveva Ruiz-Calavera.

Siç mësohet, grupi i vettingut ka zhvilluar një takim me ambasadorët e BE-së në Tiranë, ku ka marrë pjesë edhe kryediplomati amerikan, Donald Lu.

Të parët që do të kalojnë në sitën e ndërkombëtarëve do të jenë: Kryetari i Gjykatës së Lartë, Xhezair Zaganjori; Kryetari i Gjykatës Kushtetuese, Bashkim Dedja’ si dhe kryeprokurori Adriatik Llalla.

Më pas do të kalohet në filtrimin e pjesës së dytë kandidatëve për dy trupat e larta.

Procedura e kandidaturave për këto dy organe është mbyllur dhe të premten hidhet shorti për të nisur vettingun.

Emrat që do kandidojnë për organet e larta të drejtësisë janë të bujshëm dhe duket se kanë prevaluar të rinjtë që kanë dhënë prova edhe se mund të trondisin sistemin.

Kështu, për organin qëndror të akuzës deri tani nuk është paraqitur asnjë nga krerët aktualë të prokurorisë, duke u nisur nga koka, Adriatik Llalla dhe bashkëpunëtorët e tij por e kundërta. Në listë bien në sy disa emra, ku ndër më të spikaturit është prokurori që ka arrestuar ish-Guvernatorin Ardian Fullani dhe ish-kryebashkiakun e Vlorës, Shpëtim Gjika, përkatësisht dibrani Ramadan Troci.

Kurse tjetri është Dritan Rreshka, prokurori i trajnuar në SHBA për luftën ndaj korrupsionit, i cili u vendos në fillim si kryetar i Task Forcës kundër korrupsionit, por që më pas nuk u dekretua nga Presidenti Bujar Nishani dhe u largua nga kryeprokurori Llalla.

Ka edhe emra të tjerë, ku më i spikaturi është prokurori i Tiranës, Kosta Beluri.

Ndërkaq, tek KLGJ-ja bie në sy gjyqtari Artan Laze, ish-anëtari i KQZ-së që vjen nga përvoja e gjatë në disa gjykata të vendit, por edhe Dritan Hallunaj, gjyqtari i Krimeve të Rënda që shpalli të pafajshëm Arben Frrokun.

Janë 18 prokurorë të të gjitha niveleve që kanë depozituar dosjet personale në Prokurorinë e Përgjithshme, ndërkohë që tashmë pritet të ngrihet një komision verifikimi për të shqyrtuar kriteret formale të këtyre materialeve.

Më pas, ky dokumentacion do të qëndrojë në pritje derisa të zbardhet vendimi për vetting-un në mënyrë që kandidatët të kalojnë në sitën e tij. Do të jetë komuniteti i prokurorëve që do të zgjedhë prej këtyre emrave 6 fitues, ndërkohë që pesë emrat e tjerë do të zgjidhen nga komuniteti i juristëve.

Sakaq, edhe në Gjykatën e Lartë rezulton se 18 gjyqtarë të të gjitha niveleve kanë dorëzuar dokumentacionin për organin që do të qeverisë gjyqësorin, emëruar si Këshilli i Lartë Gjyqësor.

Brenda shtatë ditëve parashikohet që kjo gjykatë pasi të verifikojë kriteret formale, të publikojë zyrtarisht emrat e konkurrentëve.

Edhe për KLGJ do të jetë trupa e gjyqtarëve që do të votojë për gjashtë fituesit, ndërsa pesë të tjerë që do t’i bashkohen “qeverisë” së ardhshme të Gjyqësorit që do të zgjidhen nga Kuvendi. /tesheshi.com/

auto pjese dak

Related posts

WP2Social Auto Publish Powered By : XYZScripts.com