Auto Dak
Auto Dak
Auto Dak

Vuçiç: Beogradi s’do të pajtohet me ultimatumet e Kosovës

Presidenti serb Aleksandar Vuçiç tha se ishte gati për bisedime me Kosovën për marrëdhënie më të mira, por jo për ultimatumet dhe kërkesat maksimale të autoriteteve të Prishtinës.

Erdhi ky reagim pasi Kancelarja gjermane Angela Merkel dhe Presidenti francez Emmanuel Macron, organizuan një samit virtual në të premten, ku morën pjesë Vuçiç dhe Kryeministri i Kosovës Avdullah Hoti.

Të dy udhëheqësit ranë dakord të vazhdojnë bisedimet për normalizimin e marrëdhënieve, së pari në një video konferencë të dielën dhe më pas në një samit të drejtpërdrejtë të enjten në Bruksel.

“Beogradi nuk mund të pranojë ultimatumet e Prishtinës”, u tha Vuçiç gazetarëve në Paris.

“Serbia po përballet me një rrugë të vështirë,” theksoi ai, duke shtuar se “nuk do të jetë më e lehtë për ata që menduan se do të merrnin gjithçka nga Serbia dhe se nuk do të jepnin asgjë”.

Sipas tij, shqiptarët e Kosovës kërkojnë ruajtjen e integritetit territorial të Kosovës, Kushtetutën, njohjen e përhershme të ndërsjelltë, anëtarësimin e Kosovës në KB, njohjen e Kosovës dhe nga 5 anëtarët e tjerë të BE, dhe më vonë për të diskutuar personat e zhdukur dhe dëmshpërblimet e luftës.

“Serbia është i vetmi vend që ka pikëpamje të ndryshme,” tha Vuçiç pas konferencës video. /tesheshi.com/

 

 

 

auto pjese dak

Related posts