Auto Dak
Auto Dak

VIZITA/ Pse e djathta ekstreme evropiane e mbështet Indinë për Kashmirin?

Kohët e fundit, një delegacion eurodeputetësh vizituan Kashmirin e administruar nga India, si pjesë e një udhëtimi të koordinuar me kujdes e të paguar vetëm për të ftuarit.

Ishte vizita e parë e një delegacioni të huaj që kur qeveria partia nacionaliste qeverisëse hindu – Bharatiya Janata Partia (BJP) i hoqi rajonit statusin e të tij të veçantë në gusht.

Që atëherë, shumica e popullsisë muslimane ka qenë nën presionin e rëndë të forcave të sigurisë.

Interneti është mbyllur, dhe gazetarëve të huaj, të dërguarit special të KB dhe ligjvënësit amerikanë nga Kongresi janë ndaluar të hyjnë. Përdorimi i telefonit është ende i kufizuar.

Kur dolën lajmet për këtë udhëtim evropian, lista e pjesëmarrjeve shkaktoi polemikë.

Shumica e afro 30 eurodeputetëve ishin nga partitë e ekstremit të djathtë; anti-imigracion dhe euroskeptik, duke përfshirë Asamblenë Kombëtare Franceze Marine Le Pen, Alternativën për Gjermaninë (AfD) dhe Partinë Brexit.

Gjatë këtij udhëtimi të shkurtër, grupi vizitoi kryeqytetin Srinagar, mes raporteve për përleshje aty.

Ata gjithashtu patën një shëtitje me varkë në një lum të njohur të krahinës.

Ndërsa ish-ministri i shtetit Omar Abdullah raportohet se mbeti në arrest shtëpiak në një banesë aty pranë, eurodeputetët u takuan me tregtarët vendas dhe studentët në një hotel luksoz.

Udhëtimi përfundoi me një konferencë për shtyp duke vlerësuar kryeministrin indian Narendra Modi se po lufton kundër “kërcënimit global” të terrorizmit.

Por partitë e opozitës indiane, eurodeputetët e tjerë dhe aktivistët e Kashmirit, kritikuan udhëtimin duke e quajtur atë si një “marifet për publikun”, e akuzuar qeverinë e New Dehlit për “shtimin e kripës mbi plagë”.

Deputetja britanike Theresa Griffin nga radhët e laburistëve, shkroi në Twitter: “Le ta kuptojmë – grupi i deputetëve të ekstremit të djathtë që vizitojnë aktualisht Kashmirin, nuk është aspak një delegacion zyrtar. Ata nuk flasin në emër të Parlamentit Evropian”.

Ky udhëtim “personal” u organizua nga dy organizata të ekspertëve – Instituti Ndërkombëtar për Studime nga Neë Delhi dhe Organizata e Ekspertëve Ekonomikë dhe Socialë të Grave (WESTT) nga Brukseli.

Vizita u drejtua nga “ndërmjetësi i investuar” i vetë-shpallur Madi Sharma, i cili kohët e fundit shkroi një kolonë me titull “Pse shkatërrimi i nenit 370 është një fitore dhe një sfidë për gratë në Kashmir”.

Analistët thonë se përpjekjet në prapaskenë zbulojnë një pjesë të vogël të aparatit shumë më të gjerë që Modi përdor ndërsa ndjek axhendën e tij nacionaliste hindu.

“Kjo ishte një vizitë jozyrtare e organizuar përmes ndërveprimeve joshtetërore”, tha Eviane Leidig nga Qendra e Oslos për Kërkime të Ekstremizmit.

“Kështu funksionon ideologjia supremaciste Hindu në Indi – përmes një aparati të madh të organizatave të ndryshme, organizatave të ekspertëve dhe grupeve të lobimit”.

Grupet e djathta ekstreme evropiane shpesh formojnë aleanca me liderët globalë dhe kanë miratuar synimet e tyre specifike të politikës së jashtme.

Mjaft të kujtohet se dhe qeveria e Bashar al-Asadit në Siri ka marrë mbështetje nga grupe të ekstremit të djathtë në Itali, Francë, Greqi dhe Poloni.

“Ekziston gjithashtu mbështetje nga e djathta esktreme për Ajatollahun në Iran, apo dhe për Hezbollahun në Liban, sepse ekziston një strukturë autoritare patriarkale me të cilën ata mund të identifikohen dhe këto regjime u japin atyre atë që kërkojnë – një qasje autoritare, konservatore për çështjet e politikës së jashtme.

“Ekziston gjithashtu një kundërshtim gjeopolitik i tyre me Perëndimin”, thotë Alexander Reid Ross, pedagog dhe analist amerikan.

Politikani holandez Gert Wilders dhe komentatori i së djathtës ekstreme britanike Katie Hopkins, janë midis atyre që vlerësuan lëvizjen e fundit të Moditnë Kashmir.

Në krahasim me mbështetjen e tyre për regjime autoritare jodemokratike, Kashmiri dhe India sigurojnë kontekstin politik me të cilin partitë e ekstremit të djathtë evropian janë më të njohura.

Akademikja kanadeze Aadita Chaudhury tha se “Modi u tregon nacionalistëve të bardhë evropianë mundësitë dhe mënyrat për të zbatuar praktikat autoritare. /tesheshi.com/

 

 

auto pjese dak

Related posts