Auto Dak
Auto Dak
Auto Dak

Vizione europiane: Pse investimi në trashëgiminë kulturore stimulon rritjen ekonomike

Mbrojtja dhe promovimi i trashëgimisë kulturore janë faktorët kryesorë në rritjen e ekonomive, sipas një raporti mbi “arritjen e ndikimit politik të Vitit Evropian të Trashëgimisë Kulturore”, miratuar nga eurodeputetët të mërkurën.

Në debatin e zhvilluar në seancën plenare të PE këtë javë dhe në raportin e miratuar, deputetët theksuan se turizmi kulturor ka një rol të madh në gjenerimin e vendeve të punës dhe se në kwtw mënyrë ndihmon në tejkalimin e krizës dhe rimëkëmbjen ekonomike.

Dace Melbard i Klubit të Konservatorëve dhe Reformistëve Evropianë (ECR) dhe nënkryetari i Komitetit për Kulturë dhe Edukim, theksoi se raporti tregon për “ndikimin pozitiv të kulturës në hapjen e mundësive të reja të punësimit”.

Socialdemokrati Viktor Negrescu (S&D) theksoi nevojën për të siguruar fonde shtesë për ruajtjen e trashëgimisë kulturore, pasi sicc tha, ajo është “një burim i jashtëzakonshëm i forcës ekonomike”.

Kohezioni, dixhitalizimi, arsimi dhe turizmi

Sabine Verheyen i Partisë Popullore Evropiane (EPP) e konsideron kulturën një burim të rëndësishëm ekonomik, pasi “zgjedhja e pushimeve dhe destinacionit të udhëtimit për shumë varet nga pasuria e ofertës kulturore”.

Përfaqësuesi i Komisionit Evropian, Mariya Gabriel, paralajmëroi në diskutimin me deputetët se, për të mbrojtur në mënyrë efektive monumentet, pamjet dhe të mirat kulturore, përveç parandalimit të vandalizmit dhe tregtisë së paligjshme të artit, është e nevojshme t’i kushtohet luftës kundër ndryshimit të klimës.

“Me Planin e Gjelbër Evropian, ne jemi duke zhvilluar teknika inovative për të mbrojtur trashëgiminë kulturore nga ndryshimi i klimës,” tha Komisioneri Evropian për Inovacionin, Kërkimin, Kulturën, Edukimin dhe Rininë.

Sipas shumicës së eurodeputetëve, Viti Evropian i Trashëgimisë Kulturore ka qenë një sukses në promovimin e kohezionit shoqëror, dixhitalizimit, arsimit dhe turizmit.

Realizimi i projektit do të vazhdojë, dhe Bashkimi Evropian gjithashtu do të financojë dhe mbështesë sektorin e kulturës. /tesheshi.com/

auto pjese dak

Related posts