Auto Dak
Auto Dak
Auto Dak

VITI ’98/ Debati i madh mbi një festival: skena me gazeta dhe refuzimi i rege-s e tango-s (video)

Eshtë plotësisht e vërtetë ajo që tha Gjergj Leka në “Provokacija”-n e së premtes mbrëma, që së paku Festivali i sapo lënë pas, ai i 58-ti në RTSH, së paku kthehu vëmendjen nga festivalet.

Se vërtet, për ditë me radhë, publiku shqiptar është përfshirë në një debat mbi cilësinë e produktet e festivaleve, referuar më të fundit, ku këngëtarja Elvana Gjata u ndje e persekutuar për mosdhënien e çmimit të parë. E ku, veç kësaj, kënga e saj ishte një katastrofë tekstit, shkruar nga vetë ajo.

Por ka një tjetër festival të pas 90-ës që ka shkaktuar kaq debat, ndoshta dhe më tepër se ky i 2019-ës.

Bëhet fjalë për atë të vitit 1998, organizuar pas 97-ës tragjike, e që lidhet me emrin e një njeriu që nuk jeton më: Ardian Klosi. Ky i fundit u emërua nga Nano si drejtor i Përgjithshëm i RTSH-së, me besimin se ashtu si Rama në krye të Kulturës, edhe miku i tij Klosi do mund ta reformonte gjigandin mediatik shtetëror të ngritur nën komunizëm. Por kjo nuk ndodhi dhe ndryshe nga Rama që vijoi karrierën edhe duke avancuar dhe në politikë, Klosi nuk e shtyu dot në RTSH-në, të cilën ai e cilësonte si një gërdallë.

Por çfarë ndodhi me Fest 98?

Skena e festivalit do ishte allasoj: ajo do mbulohej me gazeta, gë që çoi në revoltimin komunitetit të gazetarëve, ku të djathtë e të majtë u ndjenë të fyer, e kërcënuan me bojkot përcjellje të aktivitetit. Këtë më së miri e tregon një kronikë e kohës në TV Klan-in e atëhershëm. Aty shfaqet dhe Ylli Rakipi, tipik me gjuhën e tij të shfrenuar, siç dhe sot, duke shfryrë keq ndaj të Klosit. Krahas tij, flet dhe Arian Çani, atëherë kryeredaktor i Gazeta Shqiptare të Bolinos, që edhe pse sot një kontravers në shfaqjet televizive, ndihej keq nga gazetat në skenën e festivalit. Ndërsa Bashkim Zahaj, realizues i saj, e mbron zgjedhjen…

Nga ana tjetër, në Fest 98 pati dhe një reagim nga disa artistë me emër, të cilëve nuk iu pranuan këngët. E sot kur flitet për pushtimin e turbofolkut, atëherë aludohej se në festival nuk pranohej rege-ja e Dashnor Dikos apo tango-ja e Ardian Trebickës.

auto pjese dak

Related posts