Auto Dak
Auto Dak
Auto Dak

Veza ndaj Hotit trazon politikën kosovare: ja kush “fërkoi duart” nga akti “vetëvendosës”

Një “vezë” rebeluese ndaj Abdullah Hotit për çështjen e taksës, ka sjellë reagime të shumta në ambientin politik kosovar, e kjo për shkak se është një ish-praktikë vetëvendoëse. Nga kjo e fundit, tha se akti nuk duhet lidhur me të djeshmen.

Zyrtari për media në Vetëvendosje, Arlind Manxhuka, shkroi se “ndërlidhja e VV-së në sulmin me vezë ndaj zëvendëskryeministrit Hoti është tendencë dashakeqe që për qëllim ka futjen e pykës për koalicionin e shpresës”.

“Në anën tjetër mirëfilli dihen qasjet tona karshi taksës dhe reciprocitetit dhe nuk ka asgjë të paqartë këtu”, tha ka shkruar Manxhuka.

Por një ish-vetëvendosës është “ndjerë mirë” nga ajo që ka ndodhur. Shpend Ahmeti, njeriu që morri Prishtinën nën siglën e VV-së, por që më pas bëri divorc me Albin Kurtin,  ironizi: “Si duket Opozita e re Reciprocitet Qeverisë së Re me vezë?  A presim edhe aksione në Kuvend? A e zgjodhën Avdullahun si target të lehtë?.

Edhe pse çdo gjë që e mbjellë edhe do ta korrësh, në aksione të tilla shumë ka rëndësi se kush e bën, ndaj kujt, dhe për çfarë arsye”, shkroi Ahmeti.

Ndërkohë, akti u dënua rëndë nga kryeparlamentarja Osmani.

“Tarifa nuk është çështje vezësh. Është konsensus e veprim shtetëror dhe bashkërendim me miqtë strategjik të Kosovës.

As sulmet me vezë e as me mjete të tjera nuk do të mund ta ndalin vendosmërinë tonë që ta çojmë Kosovën përpara”, shkroi Osmani.

Ndërsa vetë shënjestra, Abdullah Hoti, numri 2 i qeverisë, tha  se “porositësit e veprimit të sotëm tentojnë ta mbajnë Kosovën të izoluar”.

“Kosova më nuk është e izoluar. Të izoluar janë vetëm ata që po japin urdhra të tillë.

“Shtëpia pa miq nuk mbahet. Qeveria e re, me LDK-në brenda si partner kyç, nuk bënë kompromis me miqësinë me SHBA-në.

Ne nuk do të lejojmë që raportet me miqtë tanë të nëpërkëmbën për interesa elektorale”.

Ne jemi të vendosur t`i japim vendit zgjidhje, bashkë me miqtë tanë”, shkroi Hoti. /tesheshi.com/

 

 

 

auto pjese dak

Related posts