Presidenti Thaçi reagoi “i gëzuar” që Kushtetuesja e Kosovës i dha të drejtë për mandatimin e Abdullah Hotit si kryeministër i ri, pas rrëzimit të Albin Kurtit me mocion mosbesimi.
“E mirëpres vendimin e Gjykatës Kushtetuese lidhur me vlerësimin e kushtetutshmërisë së dekretit tim për mandatimin e z. Hoti, kandidat për kryeministër. Kam qenë i bindur se çdo hap që kam ndërmarr ishte në përputhje të plotë me Kushtetutën e Kosovës dhe më vjen mirë që këtë e konfirmoi edhe Gjykata Kushtetuese”, shkroi presidenti kosovar.
Duke e parë këtë dhe si një fitore në përballjen politike me Kurtin, Thaçi kërkon respektimin e vendimit.
“Partitë politike dhe të gjitha institucionet duhet të tregojnë pjekuri politike, respekt dhe përkushtim për rendin, ligjin dhe institucionet e Republikës së Kosovës. Ato duhet t’i respektojnë, pranojnë dhe zbatojnë vendimet e autoritetit përfundimtar për interpretimin e Kushtetutës dhe përputhshmërisë së ligjeve e akteve të tjera me Kushtetutën.
Kosovën e presin shumë sfida përpara, prandaj tash nuk duhet të humbet më kohë për formimin e qeverisë së re, me legjitimitet të plotë nga Kuvendi i Kosovës”, shkruan Thaçi. /tesheshi.com/
