Auto Dak
Auto Dak
Auto Dak

PANDEMIA/ Vala e dytë COVID në Evropë: erdhi vetë apo u provokua?

Pas valës së parë, e cila goditi rëndë Evropën, tashmë ky kontinent po përballet me valën e dytë dhe akoma më vdekjeprurëse të epidemisë së koronavirusit dhe në nëntor, pothuajse 105,000 njerëz humbën jetën si rezultat i sëmundjes.

Në fillim të qershorit, Evropa gradualisht po dilte nga vala e parë e epidemisë, e cila e goditi rëndë atë.

Masat e rrepta të karantinës u hoqën më pas, dhe Bashkimi Evropian inkurajoi hapjen e kufijve, ndërsa qytetarët ishin të etur për të pushuar, raporton Neë York Times.

Por vala e dytë e pandemisë detyroi qeveritë të vendosnin kufizime të reja dhe masa karantine, të cilat i dhanë një goditje të re ekonomive evropiane.

Optimizmi nga fillimi i verës është zhdukur dhe është zëvendësuar nga kuptimi se lehtësimi i masave çoi në vdekjen e mijëra njerëzve disa muaj para një vaksine të mundshme.

Tani dihet që vala e dytë e pandemisë në Evropë ishte më vdekjeprurëse se e para.

Në 31 vende të mbikëqyrura nga Qendra Evropiane për Kontrollin dhe Parandalimin e Sëmundjeve, gati 105,000 njerëz vdiqën në nëntor, më shumë sesa u në prill.

Në Itali, i njëjti numër njerëzish vdesin çdo ditë siç ishte rasti kur Bergamo u vendos në qendër të vëmendjes së publikut botëror.

Në shumicën e vendeve, numri i vdekjeve të reja është më i lartë se kurrë më parë.

Vendet e Evropës Perëndimore, të tilla si Italia dhe Belgjika, u goditën nga pandemia pothuajse aq fort gjatë vjeshtës sa gjatë valës së parë.

Situata në Portugali është më e keqe sesa ishte më parë, ndërsa në Gjermani situata është afro e njëjtë si më parë.

Pothuajse çdo vend në Evropën qendrore dhe lindore, i cili doli relativisht mirë gjatë valës së parë, tani po regjistron një rritje alarmante të numrit të infeksioneve dhe vdekjeve.

Kjo situatë erdhi pasi shumë vende evropiane nxituan të zbusin masat, të cilat filluan më herët sesa thuhej në rekomandimet e Komisionit Evropian.

Disa vende, veçanërisht në jug të kontinentit, morën një risk të madh kur pritën turistë në korrik, në një përpjekje për të kursyer miliona vende pune.

Më shumë se katër milion njerëz vizituan Spanjën në korrik dhe gusht, shpesh pa test ose vetë-izolim gjatë mbërritjes dhe kthimit.

Turistët organizuan festa private, megjithë kufizimet e qeverisë, të cilat shpesh zbatoheshin vetëm në vendet publike.

Përveç sezonit, kuptimi i rremë se hapja do të çojë në një rimëkëmbje të shpejtë ekonomike ka bërë që shumë qeveri të marrin vendime që mbështesin këtë logjikë.

Sidoqoftë, parashikimet ekonomike sugjerojnë se fitimet e vogla gjatë verës janë të papërfillshme në krahasim me humbjet gjatë valës së dytë të epidemisë.

Presidentja e KE, Ursula von der Leyen pranoi në fund të tetorit se ishte e qartë se masat ishin lehtësuar shumë herët se ç’duhej.

Disa vende që u përgjigjën në kohën e duhur arritën të evitojnë skenarë të tillë dramatike.

Danimarka, Finlanda, Islanda dhe Norvegjia nuk janë përballur me një valë të dytë, ndërkohë që Irlanda ka regjistruar më pak se 300 vdekje që nga 1 Shtatori, 15 përqind e numrit të përgjithshëm të vdekjeve gjatë valës së parë, pas një karantine të rreptë të futur për herë të dytë. /tesheshi.com/

auto pjese dak

Related posts