Auto Dak
Auto Dak
Auto Dak

Uria për vaksina, Sanofi vendos të ndihmojë Pfizer-in në prodhim

Kompania farmaceutike shumëkombëshe Sanofi do të fillojë të mbushë dhe paketojë miliona doza të vaksinës së Pfizer kundër COVID-19 në korrik për të ndihmuar në përmbushjen e kërkesës së lartë për vaksinat e këtij prodhuesi amerikan të barnave.

Kompania franceze do të përpiqet të japë më shumë se 100 milion doza nga fabrika e saj në Frankfurt këtë vit, i tha CEO Paul Hudson gazetës Le Figaro, raporton Reuters.

Pfizer dhe partneri i saj gjerman BioNTech, si dhe prodhues të tjerë të vaksinave COVID-19, të tilla si AstraZeneca, po punojnë për të përmbushur kërkesën e madhe për vaksinat për të luftuar pandeminë.

Muajin e kaluar, Sanofi dhe GlaxoSmithKline e Britanisë raportuan se vaksina kundër COVID-19, të cilën ata po zhvillojnë së bashku, tregoi një përgjigje të pamjaftueshme imune tek të moshuarit dhe kështu e vonoi lëshimin e saj deri në fund të këtij viti.

Dëshira për të ndihmuar të tjerët

Kompania që atëherë ka qenë nën presion për të gjetur një mënyrë që të ndihmojë prodhuesit e tjerë të ilaçeve që shpërndajnë vaksinën ndërsa pandemia intensifikohet përsëri në Evropë dhe në pjesën tjetër të botës.

“Duke qenë se vaksina jonë është vonuar disa muaj, ne pyesnim se si mund t’u ndihmonim të tjerëve”, theksoi Hudson.

Sanofi po punon gjithashtu me kompaninë amerikane Translate Bio për një tjetër kandidat për vaksinën kundër COVID-19.

Ata përdorin teknologjinë mARN në prodhim, e ngjashme me qasjen e Pfizer dhe BioNTech.

Testi i fazës së parë pritet të fillojë në tremujorin e parë të 2021.

Hudson konfirmoi në një intervistë se Sanofi mbetet i përkushtuar në projektet e tij për të gjetur vaksinën. /tesheshi.com/

auto pjese dak

Related posts