Auto Dak
Auto Dak
Auto Dak

Unë, gardisti i 21 Janarit, që s’pranova të qëllojë mbi protestues

Një ish-gardistëve të 21 Janarit, sot kryetar bashkie i PS-së, deklaron se nuk pranoi të zbatojë një urdhër politik atë ditë për të shtënë ndaj protestuesve.

Është fjala pra për Agron Malajn e Matit,që së fundi është nxjerrë dhe “kriminel” nga PD-ja, referuar një dënimi në ’99-ën.

Duke ndërfutur dhe këtë element, Malaj shkruan:

21 janari është një tragjedi me të cilën mua më është dashur të jetoj çdo ditë gjatë 9 viteve të fundit. Unë nuk humba në atë tragjedi asnjë pjesëtar të familjes time. Por ka megjithatë diçka që më bashkon mua, ish-‘gardistin e 21 Janarit’ me familjet e 4 qytetarëve të pafajshëm që humbën jetën në atë ditë të tmerrshme. Na bashkon dëshira që ajo ngjarje të zbardhet e drejtësia të shkojë në vend.

Prej 9 vitesh tashmë emri im është lidhur me atë ngjarje tragjike. Emri i një njeriu, i një ish gardisti në krye të detyrës, që refuzoi të zbatojë urdhrin për të hapur zjarr mbi protestuesit e pafajshëm, është lidhur në mënyrën më perverse me vrasjen e Ziverit, Aleksit, Faikut dhe Hekuranit, jo nga familjet, jo nga organet e ligjit, por pikërisht nga ata që dhanë urdhër për të qëlluar e më pas shkelën çdo ligj e çdo normë, për të mos lejuar zbardhjen e të vërtetës.

Unë sot, vijoj punën time me kokën lart. Me ndërgjegjen e pastër. Mbi mua nuk rëndon asnjë akuzë. As për 21 janarin e as për asgjë tjetër. Kush ka ende dyshime për këtë mund të hapë vendimin e KQZ, bazuar në vendimin e Prokurorisë, ku çertifikohet pastërtia e figurës time dhe më njihet e drejta për të marrë pjesë në zgjedhje”, shkruan Malaj. /tesheshi.com/

auto pjese dak

Related posts