Auto Dak
Auto Dak

Udhëzime: ja si të ushqeheni në bazë të grupit të gjakut

Doktori i njohur Peter J. D’Adamo zhvilloi teorinë se personat me grupe të ndryshme të gjakut duhet të hanë ushqime të caktuara duke shmangur disa lloje dhe duke përdorur disa të tjera. Ai besonte se kjo do të nxisë sistemin imunitar, do të ndihmojë në kontrollin e peshës dhe efektet e plakjes, dhe do të luftojë sëmundjet kardiovaskulare, kancerin, diabetin dhe çrregullimet e mëlçisë. Këtu janë disa këshilla për çdo grup gjaku.

Sipas tij, ata me grupin e gjakut A duhet të mbajnë një dietë kryesisht vegjetariane të përbërë nga fruta, perime dhe farëra. Kjo është kryesisht për shkak se ky lloj gjaku u shfaqet pas zbulimit të bujqësisë.

Ndryshe nga ata me llojin e gjakut A, njerëzit me grupin e gjakut B, i cili u gjet te popujt nomadë, ata duhet të ndjekin një dietë mishngrënëse.

Megjithëse shpeshherë mishi i kuq ka reputacion të keq, mishi i kuq ka disa cilësi të mira dhe rekomandohet për ata me llojin e gjakut B. Në veçanti, është i pasur me vitamina B3, B12 dhe B6, si dhe hekur, zink, kreatinë dhe karnozinë.

Ndërsa ata me llojin e gjakut B duhet të hanë sa më shumë perime të gjelbra që të jetë e mundur, ata duhet të shmangin perimet e tjera, përfshirë rrepat, pse janë të larta në kalium, vitaminë C dhe kalcium.

Për ata me llojin e gjakut 0, i cili u shfaq 50.000 vite më parë gjatë periudhës së gjahut, ata persona preferohet të hanë ushqime që janë të pasura me proteina, por me karbohidrate të ulëta – e sidomos duhet të bëjnë shumë stërvitje.

Mishi i lopëve të reja, klasifikohet si një mish i bardhë. Ka shumë kalium, kalcium dhe vitaminë B12. Viçi rekomandohet për ata me llojin e gjakut 0.

Pa dyshim, bananet janë fruta me nivele më të lartë të kaliumit dhe janë të njohura si burim energjie për njerëzit aktivë. Ato janë një ushqim thelbësor për personat me grupin 0.

Ata me grupin  e gjakut AB mund të kenë dietën më fleksibile nga të gjithë, pasi lloji i tyre i gjakut ishte i fundit që u shfaq, dhe është përzierje e grupit A (me origjinë evropiane) dhe grupit B (me origjinë mongole dhe kaukaziane).

Edhe pse mishi i kuq ka reputacion të keq, rekomandohet mish qengji për ata me llojin e gjakut AB. Ky lloj i mishit ka shumë energji dhe acide yndyrore, të cilat kontrollojnë nivelet e kolesterolit të keq dhe rrezikun e sëmundjeve koronare. /tesheshi.com/

auto pjese dak

Related posts