U ble me 5 funte, i shit me 735,000! Kjo është figura e shahut që zbulon “qytetërimin” evropian

Një figurë mesjetare e shahut ishte mbajtur në një sirtar për 56 vite, pasi ishte blerë me një shumë prej pesë funtesh. E gjithë kjo do te ishte krejt në rregull, derisa arriti lajmi për shitjen e figurës në një ankand, ku vlera kapi shifrën e 735,000 funtesh.

Pronarët skocezë nuk kishin idenë se figura ishte një nga koleksionet e humbura të Lewis Chessmen, nga më të vjetrat të figurave të shahut.

Ajo u gjet në një dunë rëre në ishullin Lewis në vitin 1831, por vendndodhja e pesë figurave të tjera ka mbetur mister.

Gjyshi i familjes që shiti figurën, i cili qe një tregtar antikash, kishte blerë copën shahut për 5 funte në vitin 1964. Ai as që e kishte idenë e rëndësisë që bartte figura e veçantë.

Koleksioni i Lewis Chessmen është ndër atraksionet kryesore në Muzeun Britanik dhe Muzeun Kombëtar të Skocisë në Edinburg.

Me origjinë nga Skandinavia, ndoshta nga Norvegjia, ato konsiderohen si “simbol i rëndësishëm i qytetërimit evropian”.

Eksperti i ankandeve të Sotheby, Aleksander Kader, i cili e shqyrtoi shitjen e figurës, tha se mbeti gojëhapur kur e kuptoi se për cfarë figure bëhej fjalë.

Pjesa e sapo zbuluar është një roje – burrë me përkrenare, mburojë dhe shpatë, që “simbolizon karakter dhe fuqi”. /tesheshi.com/

auto pjese dak

Related posts