Auto Dak
Auto Dak
Auto Dak

Tërmeti i së mërkurës në Greqi, si në Shqipëri: hotele në rol strehimoresh

Një ditë pas një tërmeti të fortë me madhësi 6.3 në Greqinë qendrore dhe në të cilin të paktën 11 njerëz u plagosën, ekspertët vlerësojnë dëmtimin e ndërtesave.

Banorët e zonave rreth 240 kilometra në veri të Athinës, kaluan natën jashtë shtëpive të tyre dhe shërbimet e mbrojtjes civile po vendosin çadra në një stadium lokal për të siguruar strehim të përkohshëm, njoftoi AFP.

Pesë hotele në Trikala dhe Larisa janë hapur gjithashtu për të pritur të dëmtuarit.

Lëkundjet pasuese, disa më të forta se 5.0 të shkallës Rihter, goditën zonën pas tërmetit më të fortë të regjistruar menjëherë pas mesditës me kohën lokale.

Inxhinierët po vizitojnë shkolla, spitale dhe ndërtesa të tjera publike dhe shtëpi private duke vlerësuar dëmin, njoftoi agjencia shtetërore e lajmeve ANA, duke shtuar se shkollat ​​në zonë janë të mbyllura.

Sipas guvernatorit të provincës, të paktën 100 shtëpi dhe ndërtesa të tjera u dëmtuan në tërmet, duke përfshirë kisha.

Një burrë i moshuar me aftësi të kufizuara qe me fat kur një krah i tërë i shtëpisë së tij u shemb, dhe më shumë se 60 fëmijë arritën të dilnin të padëmtuar nga një shkollë 80-vjeçare.

Shërbimi i ndihmës së shpejtë raportoi se ishte kujdesur për një duzinë njerëzish të plagosur lehtë, disa prej të cilëve për shkak të rënies së pjesëve të ndërtesave.

Sipas Ministrisë së Kulturës, katër kisha, njëra e shekullit të 17-të, u dëmtuan.

Epiqendra e tërmetit, e cila ndodhi në 12:16 të drekës të së mërkurës, ishte rreth 16 milje në jug të Elassonas në një thellësi prej tetë kilometrash. /tesheshi.com/

 

 

 

auto pjese dak

Related posts